رواية تزوجتها رأفةً بعائلتها
نرمين بإبتسامة: الحب حلو
جريح: ايه؟!
نرمين: حلو اوي اوي
جريح: ده السبب؟!
نرمين: ايوا
جريح بملل: بيتك فين ي أستاذة خلصيني؟!
قالتله العنوان ووصلو قدام البيت ونزلت ونزل معاها
نرمين: اتفضل اشرب او كل حاجة
جريح: لا شكرا
نرمين: طيب انا بشكرك جدا
جريح: العفو معملتش حاجة
تليفونها رن وكان باباها عرفته انها بره فتح الباب وخرج واستغرب اما لقى معاها شاب
نرمين: ده الباشمهندس جريح ي بابا وصلني لاني ملقيتش مواصلات خالص فاضطريت اركب معاه لان الوقت اتأخر
أحمد بإمتنان: شكرا ي ابني
جريح بإبتسامة: العفو ي عمي، الأنسة زي أختي
أحمد بإبتسامة: تسلم ي حبيبي، يلا ندخل
جريح: طيب أستأذن انا
أحمد: إنت سمعت انا قولت ايه؟! يلا ادخل
جريح بإستغراب: ادخل ايه ي عمي م ينفعش لازم امشي
جريح: مينفعش والله انا م عرفتش حد من عيلتي
أحمد بتصميم: كلمهم جوه ادخل يلا
جريح بإحراج: ي عمي.
أحمد بمقاطعة: وفر كلامك حازم ابني جوه هتبات معاه
جريح بإستسلام: حاضر
دخلو البيت وقعدو في الصالون
أحمد: قومي ي نرمين هاتي كوباية مايه ل الباشمهندش
جابت الميه وقدمتها ل جريح: اتفضل
جريح بإبتسامة: شكرا
أحمد: تعالي ي نرمين عايزك دقيقة بعد اذنك ي ابني
جريح: براحتك ي عمي
مشيو وهو طلع موبايله وعرف والده انه هيبات بره النهاردة
أحمد خد نرمين ووقفو ف جنب طلع فلوس من جيبه وقالها: خدي دول وروحي هاتي عشا من السوبر ماركت للراجل زمانه جاع جاي من مشوار طويل، وأمك نايمة ومفيش اكل عشان لسه من ساعتين متعشيين
نرمين بصد@مة: نعم ي حاج؟! يعني انتو اتعشيتو من غيري وكنت هاجي مش هلاقي اكل ليا!! وبعدين هو الراجل بس اللي جاع؟! م انا جاية من نفس الطريق معاه وجعانة انا كمان
أحمد بسخرية: انتي طول عمرك جعانة اخلصي روحي
نرمين برفض: الساعة واحدة ي بابا مش هعرف اخرج لوحدي خلي حازم
أحمد: اخوكي نايم
نرمين برفض: صحيه
ضربها على كتفها وقال بغيظ: اخلصي ي بت اخوكي نايم تعبان
نرمين بغيظ وهي بتمسك كتفها بألم: تعبان من ماتش الكورة ي بابا مكانش جاي من القاهرة او ف الشغل
