قصة انا لها شمس كامله

ليتابع مستطردا  العقد هيكون متكامل فيه مهرك ومؤخر صداقك زيه زي القسيمة بالظبط أمسكت بكأس المشروب وارتشفت منه القليل ليتعجب من أمرها فاستطرد مبررا عرضه بعدما لاحظ تغير ملامحها إلى لامبالاة  المبلغ اللي هتطلبيه مهر هحوله في حسابك فورا مهما كان حجم الرقم وهحط لك زيه مؤخر صداق يتكتب في العقد وكل اللي تؤمري بيه هيكون عندك في نفس اللحظة واستطرد مستعرضا ما تبقى من عرضه تحت نظراتها الهادئة والتي لم يفهمها أهي رضا أم أنه الهدوء الذي يسبق العاصفة  هشتري لك شقة في منطقة راقية وهكتبها بإسمك هنتقابل فيها لحد ما الظروف تتحسن ونقدر نعلن عن جوازنا قدام الكل تطلع إليها متعجبا صمتها ليسألها باستغراب في محاولة منه لاستكشاف واقع الحديث عليها  ساكتة ليه!  بسمعك...قالتها بهدوء عكس ما يدور داخلها من حمم بركانية ليرد عليها موضحا  أنا عارف إني فاجأتك بطلبي بس على فكرة قراري ده في مصلحتك رفعت حاجبها الأيسر باستنكار مع إبتسامة خفيفة ليجيبها بتأكيد  طبعا في مصلحتك إنت ناسية حضانة يوسف اللي هتتاخد منك بمجرد ما المأذون يكتب الكتاب هزت رأسها عدة مرات متتالية ليتطلع عليها محاولا استكشاف ردة فعلها فتحدث متسائلا بدهاء أراد به إختبار أمومتها من عدمها  إلا لو موضوع الحضانة مش فارق معاك وشايفة إن الولد هيرتاح أكتر مع بباه ساعتها أنا مستعد للجواز الرسمي وفورا ضيق بين عينيه مستغربا صمتها لتشير هي للموظف الواقف جانبا يتابع الحضور متجاهلة حديث ذاك المقابل لها أتي الرجل تحت تساؤل فؤاد الذي نطق  عاوزة حاجة أطلبها لك تطلعت عليه بإبتسامة مصطنعة دون رد لتحيل بصرها سريعا للرجل الذي حضر ومال برأسه توقيرا لها وهو يقول باحترام  تحت أمرك يا هانم أمسكت الكأس تقلبه بين أصابعها لتتطلع عليه بانبهار وهي تقول بصوت هادئ عكس ما يدور بداخلها من ثورة عارمة  عاجبني قوي إختياركم للأدوات بشكل عام وللكاسات بشكل خاص رفعت حاجبها وهي تتطلع على الكأس بإعجاب تجلى بنظراتها المتفحصة  شكله فخم ولايق بالمكان مال الرجل توقيرا ليجيبها بتفاخر  ميرسي يا هانم إحنا بنختار كل حاجة في المكان بمنتهى الدقة لأن زوارنا من صفوة المجتمع واسترسل بإبانة وهو يميل بقامته باحترام  الكاس اللي في إيد جنابك من منتجات مورانو الأيطالية شعر بالضجر من تجاهلها لعرضه واستدعائها العجيب للرجل وأسألتها التي لا تمت بجلستهما بشيئ ليسألها بعدما تحكم بغضبه كي لا يحزنها  لو عاجبينك يا حبيبي هعمل لك أوردر من الشركة يوصل لك في أسرع وقت تجاهلته وكأن وجوده والعدم سواء لتتابع وهي تنظر للرجل  حلو قوي وشكله غالي جدا يا افندم...لتقول ببرود وأسى مفتعل  كان نفسي اشتري طقم منه لكن للأسف مينفعش عندي لأن لو إنكسر منه كاس الطقم كله هيبوظ وهيبقى زي قلته ومش هقدر أجيب غيره لأن سعره عالي قوي عليا ارتشفت أخر قطرات الشراب ثم رفعت الكأس للأعلى وبسطت ذراعها جانبا لتفلت أصابع يدها عنه لينزلق الكأس مصطدما بالأرضية وينزل متهشما لتتناثر قطع الزجاج وتملي المكان تحت أعين جميع الحضور التي اتسعت وهم يلتفون برأوسهم لينظروا باتجاه الضجيج الذي أحدثه التهشم أما هو فقطب جبينه وبات يهز رأسه بذهول مستنكرا فعلت تلك التي مطت شفتيها للأمام وهي تقول للموظف بلامبالاة وكأنها لم تفعل شيئا  بس متخافش يا متر لتحول بصرها إلى فؤاد الذي إعتراه الخجل من تصرفها حيث جعلهما تحت المجهر بعدما تحولت جميع الأعين صوبهما لتقول بصوت حاد بذات مغزى  الباشا بيدفع كويس قوي وهيعوضك. نظر للعامل وأشار بكفه بهدوء لينسحب ذاك المندهش ليسألها بنظرات لائمة تملؤها خيبة الأمل  ليه كده يا إيثار عاجبك منظرنا ده قدام الناس مكنش ليها لازمة الفضايح دي كلها بجبين مقطب سألته  فضايح! هي فين الفضايح دي!  إحمد ربنا إني متربية وبنت ناس وإلا كنت رديت عليك بالشكل اللي يليق بطلبك المهين ووريتك الفضايح اللي بجد...نطقت كلماتها بصوت حاد وعيونا كالصقر لتسترسل بصوت اظهر كم إحتراق روحها  بقى جاي تطلب مني اتجوزك في السر طبعا تلاقيك قولت لنفسك دي واحدة مطلقة وعايشة لوحدها وأكيد ماهتصدق أشاور لها بإيدي واعرض عليها ملاييني نظر لها بكثيرا من الرجاء ليقول  أرجوك حاولي تهدي ووطي صوتك الناس بتبص علينا إبتسامة ساخرة خرجت من جانب ثغرها لتهتف بنبرة قوية  مش إنت اللي طلبت تشوفني علشان تشوف رد فعلي على كلامك يبقى تسمع وإنت ساكت يا باشا وزي ما أنا سمعتك للاخر إنت كمان مجبر تسمعني احتدت ملامحها وهي ترمقه بتقليل لتسترسل بازدراء  أنا بجد أسفة بس مش ليك أسفة لنفسي لإني خدعتها لما أفتكر إنك إنسان محترم وأتاريك زيك زي غيرك قطب جبينه بعدم استيعاب لتجيب على تساؤل عيناه الذي لم يصرح به وهي تشير إليه بنبرة مټألمة  أصل الباشا مش أول واحد يطلب