تركني عشان انا معيو@ بة
كل الحكاية اني حسيت انكم مناسبين لبعض قولت اوفق راسين في الحلال..
وبعدين انا اقترحتها لك بذات لانها مش فارق معاها الخلفة هي قالتي قبل كده كذا مرة انها مش عاوزة تخلف خالص
قولتلها مش عاوزة تخلف ليه ان شاء الله معقده دي ولا مالها؟؟
قالتلي لا مش معقده ولا حاجه.. علي ما اظن انها خايفة تخلف اطفال يورثوا البهاق منها مع ان اللي عندها بسيط جدا بس هي اللي حساسة
بس هي والله جميله ومحترمة وبنت ناس
اقولك تعاليا الشغل هي معايا في نفس المكتب وشوفها بنفسك ولو عجبتك هكلمها
قولتلها خلاص ماشي هعدي عليكي بكرا ونشوف
ورحت فعلا لاختي الشغل وشوفت هدي.. اول ما عيني وقعت عليها حسيت براحه نفسية وقبول غريب برغم انها مش حلوة اوي زي ما اختي حكيتلي بس وشها بشوش ومريح جدااا واختي عرفتي عليها قالتلها ده احمد اخويا ابتسمت ابتسامه جميلة وقالتلي بصوت رقيق وهادي ازيك يا استاذ احمد بصراحه انجذبت لها جدااااا
قالتلي كنت متاكده..امال بقي لو عرفتها عن قرب وشوفت قد ايه روحها جميلة بجد يا احمد عمرك ما هتلاقي زيها
قولتلها بس انتي متاكده ان البهاق اللي عندها ده بسيط ؟؟؟
قالتلي ايوه انا شفته بنفسي روحت معاها مرة لدكتور حتي وقتها الدكتور قالها متقلقيش البهاق عندك بسيط ومش هينتشر
قالتلي بس بالله عليك يا احمد لو ربنا كتبلكم تبقوا مع بعض اوعي تجرحها ابداااا بالموضوع ده عشان هي حساسة اوووي
قولتلها لا متقلقيش عمره ما هيحصل هي عجباني اصلا يرب بس ترضي بيا
تفتكري هي هتوافق علي ظروفي ؟؟
قالتلي ايووا دي بنت حلال وطيبة انا متاكده انها هتوافق خصوصا زي ما قولتلك هي مش فارق معها الخلفة خالص
