تركني عشان انا معيو@ بة
قولتها بجد طمنتيني طيب يلا بقي كلميها يلا
قالتلي ايوا بقي يعم شكلك وقعت
وفعلا اختي كلمتها في الموضوع في الاول خافت ورفضت بعدين اختي طمنتها وقالتلها انها قالتلي كل حاجه واني موافق ومش فارق معايا واني لما شفتها انجذبت لها وعجبتني جدا
وكمان حكتلها عن ظروفي اني مطلق ومبخلفش
لما عرفت اترددت شوية بس اختي قالتلها كلميه واسمعي منه لو ارتحتي له هيتقدملك علي طول ولو مرتحتيش عادي جدا هنفضل صحاب زي ما احنا مفيش حاجه هتاثر علي علاقتنا
وفعلا اتكلمنا ولما اتعرفت عليها لاقيتها شخصية جميله رقيقة..اعجبت بيها جدا وهي كمان اعجبت بيا وكانت متعاطفة معايا لما عرفت ان طليقتي سابتني عشان انا عقيم..
واتقدمتلها..قدرت ظروفي هي واهلها ومطلبتش مني حاجات كتير والحمد لله اتجوزنا بابسط الامكانيات
وفي ليله الد@خلة حاستها خايفة ومتوترة اوي مش التوتر العادي بتاع اي عروسة لا هي كانت خايفة لحسن متقبلش جسها والبهاق اللي فيه
بس بمرور الوقت اتعودت علي البهاق اللي عندها
وحبيتها خصوصا ان هدي كانت ونعم الزوجه
كانت بتعاملني احسن معاملة ومريحاني جدا ومقدرة ظروفي المادية عمرها مطلبت مني حاجه فوق طاقتي وعمرها ما فتحت معايا موضوع الخلفة ولا حسستني بنقص خالص..
الدنيا اسودت قدامي حاولت الاقي شغل تاني بس ملقتش
وفي الوقت ده هدي هي اللي كانت شايلة مصاريف البيت ولما لاقيتني مكتئب ومش لاقي شغل خالص عرضت عليا اني افتح مشروع
قولتلها منين بس يا حبيبتي ما انتي عارفة اني محلتيش حاجه
قالتلي ولا يهمك يا حبيبي هبيع الارض اللي ورثتها من ابويا ونعمل بيها مشروع
قولتلها لا طبعا يا هدي ده ورثك مش همد ايدي عليه
قالتلي يا حبيبي انا هعمل بيه ايه يعني؟ اقولك اعتبره قرض سلف ولما تقف علي رجليك والمشروع يمشي ابقي رجعهولي
