تركني عشان انا معيو@ بة
فكرت كده وقولتلها لو كده ماشي بس هكتبلك وصل امانه بالفلوس دي
قالتلي اللي تشوفه يا حبيبي...ها هتعمل مشروع ايه بقي؟؟
قولتلها انا نفسي افتح محل ملابس اطفال انتي عارفه انا بحب الاطفال اوي
بصلتي بكل حنان وابتسمتلي وقالتلي وانا بحبك اوي...خلاص يا حبيبي من بكرا نمشي في اجراءت البيع
وفعلا بعنا الارض واخدت الفلوس وفتحت المحل اللي بحلم بيه هو صحيح كان محل علي قده بس كنت باختار البضاعه ملابس الاطفال فيه بعناية وذوق والحمدلله المحل اتعرف واتشهر وبقي يجلي زباين كتير
وبمرور الوقت ربنا كرمني واخدت محل اكبر واسم المحل بتاعي اتشهر ومستوانا المادي ارتفع
ونقلنا شقة جديده فخمة
ورغم جدعنه هدي ووقفها جمبي وكل اللي عملته عشاني الا اني كان جوايا احساس بعدم الرضا عن جسمها..ساعات كنت بتقبل البهاق اللي عندها وساعات كنت بنفر منه بس كنت بخبي مشاعري
وبمرور الوقت بقيت انفر من هدي وهي حسيت ان معاملتي اتغيرت معاها بس مكنتش بتتكلم
