روايه الساكن كامله

كان لازم اقولك كده، مكنش ينفع اخليك تعرف كل حاجة مرة واحدة، كان لازم اطمنك واقنعنك تقعد، عشان تشوف الحقيقة واحدة واحدة وتساعدني، قالت كده واختفت....!!.
ولقيت صوت حد بيهو هو، بيعمل صوت كتقليد لصوت الكلب، وخرج من الحمام رامز، وهو ماشي على ايديه ورجليه وبيصدر الصوت، صوت نباح الكلب، وجمبه الست نعمه رابطاه بحبل!!!!!...
حسيت اني عايز اقوم اقت.لها، لكني متكتف، او مش موجود، او هما اللي مش موجودين، حسيت اني في بعد تاني وفي عالم غير العالم..
بدأت تديله اوامر وكل ما ينفذها تقوله كل ما هتكون مطيع هحبك وهخليك تلعب مع اصحابك اللي انا بوديك عندهم...
الباب اتفتح ودخل رامز وهو بيبص لي بشر رعيب، بنظرة مرعـ،ـبة وبصوت قوي وعالي قالي:
هما مش عايزينك، لازم تمو.ت وهـ،ـجم عليا وايديه بقت حوالين رقبتي وبدأ يخنقني وكنت خلاص مش قادر اقاوم والاكسجين اتمنع عن جسمي واتشاهدت عشان اشهق وافوق وافضل اكح والاقي نفسي نايم في البانيو والمايه مغطياني وكنت هغرق فعلا وامو.ت، 

لولا ان سمعت صوت خبط جامد على باب الحمام وصوت مدام ألفت بتصر.خ وبتنادي عليا!!!!...
جاوبتها اني كويس وخارج، ولما خرجت ولبست هدومي لقيت نفسي في الفيلا لوحدي تماما!!!..
فضلت انادي بأسماء الكل، رامز ومدام ألفت ودكتور توفيق حتى نعمه، لكن محدش رد عليا..
فضلت اجري في الفيلا زي المجـ،نـ،ون، لحد ما وصلت لأوضة بابها موارب، كان مفتوح حتة صغيرة، فقربت وفتحته ولقيت مدام ألفت، ورامز والدكتور توفيق ميتين!!!!!!، كل واحد فيهم واقع في حته على الأرض، وعنيهم مبرقه ومفتوحة بالكامل وعلى ملامح خو.ف وزعر ورعب!!.
وقفت متسمر مش قادر اتحرك ومش عارف اعمل ايه؟!! وده بجد فعلا ولا بتخيل ولا وهم؟!!
الحقيقة صادمة يا عبدالله، ومفيش حد بيصدقها حتى لو حصلت قدام عنيه..
كانت غلطتي من الاول اني آمنت لنعمه انها تدخل بيتي برغم عدم ارتياحي ليها، وغلطت اكتر لما سبت الولد معاها، وعرفت الحقيقة متأخر، ولما عرفتها حاولت اصلح الوضع، لكن كان الوقت فات، واتحولنا لمو.تى، وهي هربت ومفيش اي دليل عليها...