البارت الأول فيروز للكاتبة ملك إبراهيم.
تحدثت ريم بابتسامة.
- عادي يعني لما اصحى مبسوطة شوية
ثم تحدثت باستعجال وهي تنظر الى ساعة يدها.
- انا همشي انا بقى ، سلام
جذبتها موني من ذراعها توقفها وهي تنظر اليها بدهشة ثم تحدثت بفضول.
- استني هنا ، انتي رايحه فين ؟
تحدثت معها ريم بغيظ.
- هكون رايحه فين يعني !، اكيد رايحه الجامعة
تحدثت موني بدهشة.
ارتبكت ريم ثم تحدثت بخفوت وهي تشعر بالخجل.
- مهو ، اصل ، الياس كلمني واتفق معايا يجي يوصلني الجامعة النهاردة
حركت موني رأسها تتحدث بمكر.
- اليااااس ، قولتيلي
شعرت ريم بالغضب من طريقتها في الحديث معها ثم تحدثت اليها بغيظ.
- مالك يا موني ، طريقتك في الكلام معايا مش عجباني
تحدثت موني ببرود.
- مالي يا روحي انا تمام اهوه
ثم اضافة بغيظ.
- انتي بس الا متهيألك عشان مستعجلة وانا معطلاكي
ثم رفعت يديها بطريقة درامية وهي تتحدث بسخرية.
- انا بعيد عنك اهوه ، اتفضلي يلا اجري والحقي سي الياس ليهرب منك ويشوف له واحدة تانية يتسلى بيها
نظرت اليها ريم بغضب ثم تحدثت اليها بعنف بعد ان دخلت في حالة الجنون.
-يعني ايه يشوف واحدة يتسلي بيها ، قصدك انه بيتسلى بيا ؟
تحدثت موني باستفزاز.
- اومال يعني هيكون عايز منك ايه غير انه يتسلى شوية ويرميكي زي الا قابلك
ثم اضافة باستهزاء.
- يا ريم يا حبيبتي احنا هنا في ايطاليا مش في مصر ، وقصص الحب الا حضرتك عايزة تعيشيها انتي والست فيروز مش هتلاقوها هنا
نظرت اليها ريم بصد@مة لتضيف موني بتأكيد.
- الا هنا عايزين يتسلوا ويتبسطوا وبس لكن موضوع حب وجواز والكلام الفارغ ده مش هتلاقوه هنا
لمعت الدموع بعين ريم من قسوة حديث موني ثم نظرت اليها بقوة قائلة.
- الحب والجواز موجدين في كل مكان يا منى وعمرهم ما كانوا كلام فارغ
