البارت الأول فيروز للكاتبة ملك إبراهيم.

خرجه من شروده صوت أدهم وهو يحكي له ما فعلته موني ، قائلاً.

- موني كلمت الشرطة وبلغتهم بقتل ريم

تحدث عمار بتأكيد.
- وطبعا الشرطة بعد يومين هيلاقوا ججث0ة بنت مشوهه وهتبقى ريم والقضيه هتتقفل

ثم اضاف بقلق.
- بس تفتكر ان اللعبة الا عملناها دي هتدخل عليهم ؟

تحدث أدهم بتأكيد.
- الكل حضر دفنت الياس ، والياس اتسجل في قائمة المتوفين خلاص والا خرج من ايطاليا بطيارة اسعاف اسمه "مروان ناصري" وده اسمه في سجل دخول المستشفى الا هو فيها في لندن دلوقتي ومحل اقامته لبنان وبالنسبة لريم فهي بعيده عننا ، بنت اتخطفت واتقتلت وهيلاقوا ج.ثتها مشو.هه

تحدث عمار بقلق.
- انا مش هطمن الا لما انت كمان تخرج من البلد دي بخير

نظر أدهم امامه بحزن وهو يعلم جيدا ان من الصعب ان يخرج من هذا البلد بأمان ثم تحدث الى عمار بهدوء.

- ان شاءالله يا عمار

ثم اضاف بهدوء.
- انا هقفل دلوقتي ولو في اي جديد ابقى كلمني وطمني على فيروز

تحدث عمار بتأكيد.
- متقلقش يا أدهم فيروز في عنيا

ابتسم أدهم ثم اغلق هاتفه ونظر امامه بحزن ، ثم وقف من مكانه ، ووقف اتجاه القبلة وبدأ في تأديت فرض الصلاة وهو يرى الراحة والاطمئنان في التقرب الى الله.

في منزل منير الكردي.

جلس شادي مع والده في غرفة مكتبه بعد ان ترك موني ترتاح بغرفته بالاعلى.

تحدث شادي بغضب امام والده.

- بابا انا مستحيل اتجوز موني ، دي بنت ضايعة وبتسلم نفسها لأي حد بسهولة

ثم اضاف بتأكيد.
- يا بابا دي جت معايا على الشقة بعد اول سهرة وكلمتين حلوين وكانت مسلماني نفسها

نظر اليه والده ثم تحدث بغضب.
- البنت دي مش سهله وممكن تودينا في داهية لو قالت كلمة واحدة عننا لأدهم الصياد

ثم اضاف بغضب شديد وهو ينظر الى ابنه.

- بس هقول ايه ، وابني هو الا غبي وبيكشف اوراقه لعيله زي دي بسهولة

تحدث شادي بارتباك.
- يا بابا وانا كنت هعمل ايه يعني ، ما هي كانت صحبة فيروز وهي الا كانت بتجبلي كل المعلومات عنها وكان لازم تعرف كل حاجة عشان تقدر تساعدني

تحدث والده بع.نف.
- كانت تقدر تساعدك من غير ما تعرف اي حاجة وكنت تقدر بذكاء تستدرجها في الكلام وتعرف كل الا انت عايزه ، مش تعرفها احنا بنفكر في ايه وناوين على ايه

خفض شادي وجهه ارضًا ثم تحدث بتوتر.

- والحل ايه دلوقتي ؟

ثم رفع وجهه ينظر الى والده ثم اضاف برجاء.

- بس بلاش موضوع اتجوزها ده ، لان انا مستحيل اقبل ان بنت فرطت في شرفها تشيل اسمي وتبقى ام لأولادي زي ما ماما قالت

تحدث معه والده بسخرية قائلاً.