البارت الأول فيروز للكاتبة ملك إبراهيم.

نظرت اليه بلهفة ليحرك رأسه بالايجاب انه أدهم.

اخذت منه الهاتف بلهفة ثم وضعته على اذنه تستمع الى صوته وتنطق اسمه بلهفه.

- أدهم

ابتسم عندما استمع الى أسمه بصوتها الرقيق ، ثم تحدث بهدوء.

- عيون أدهم

انسالت دموعها بدون ارادتها بعد ان استمعت الى صوته الحنون.

نظر اليها عمار بحزن ثم ابتعد عنها وتركها تتحدث اليه على راحتها.

تحدثت بصوت حزين يظهر بكائها.
- أدهم انت ليه سايبني كل ده ، انت اكيد عارف ان انا بمoت من غيرك ، ارجوك ارجعلي بقى كفاية كده

تنهد بحزن ثم تحدث بهدوء.
- صدقيني يا حبيبتي انا لو في ايدي اكون جمبك دلوقتي ، عمري ما كنت هتأخر لحظة واحدة ، حتى لو كان التمن حياتي

ازداد بكائها وهي تتحدث بلهفة.
- ربنا يحميك ويخليك ليا يا ادهم ، عشان خاطري بلاش تقول الكلام ده ، انت بتخوفني

ثم انهارت في البكاء.

استمع الى صوت بكائها بحزن ثم تحدث اليها بهدوء.

- بلاش تبكي عشان خاطري يا فيروز ، مهما حصل بلاش تبكي ، اوعديني

ازداد بكائها وهي تشعر انه يودعها.

ثم تحدث ببكاء.

- أدهم انت الا متنساش انك وعدتني انك هتكون بخير

ابتسم ادهم وتحدث بهدوء.
- عمري ما هنسى اي وعد وعدته ليكي يا فيروز

ثم اضاف.

- في حاجة مهمه عايز اعترفلك بيها

استمعت اليه باهتمام ليضيف بهدوء.

- عايز اعترفلك ان انا عمري ما حبيبت قبلك ولا بعدك ، انتي البنت الوحيده الا قدرت تدخل قلبي وتقتحم حصوني ، انتي الا قدرتي تغيريني يا فيروز

ثم صمت قليلاً يتذكر اول مرة عينيه رأتها وهي تضم كتاب الله الى حضنها بالمشفى وهي تنام بجوار والدها وتذكر كل شئ حدث بينهم ، من عنادها وتحديها له الدائم ، الى حنانها وبرأتها وايمانها الكبير بالله.

ثم اضاف بهدوء.
- انتي كنتي سبب في تغير كل حياتي يا فيروز وحتى قراراتي انتي السبب انها تتغير ، انا عمري ما خوفت على حياتي غير بعد ما ظهرتي فيها ، عرفت ان حياتي غاليه اوي ولازم احافظ عليها عشانك ولما قررت اضحي بحياتي عشان احميكي ، رجعتي تاني تجبريني اني اغير قراري عشان ابني الا معنديش أمنية في حياتي دلوقتي غير اني اشوفه ، نفسي يكون ليا حد من دمي ، من روحي ، تعبت وانا عايش لوحدي في الدنيا

انهارت ببكاء وتحدثت بخوف.
- ان شاءالله انت هترجع يا أدهم وهتكون انت اول ايد تشيل ابننا اول ما يجي الدنيا

هربت دمعه من عيونه غصب عنه وهو يشعر بالخوف الشديد على زوجته وابنه وكم تمنى كثيرًا ان يرى ابنه حتى يشعر انه لم يصبح وحيدًا يتيمًا بمفرده في هذه الحياة بعد الان.

ثم نظر الى ساعة يده وعلم ان الوقت قد حان ، تنهد بحزن ثم تحدث الى فيروز بهدوء.

- حبيبتي انا مضطر انهي المكالمة دلوقتي بس عايزك تعرفي ان انا عمري ما حبيت غيرك وعايزك تتأكدي ان انا بحبك ولو عشت عمر فوق عمري هفضل أحبك لأخر نفس ليا في الدنيا دي وعايزك تخلي بالك من نفسك وخلي بالك من الا في بطنك ولو جه الدنيا وانا مش فيها ، وطلع ولد عايزك تسميه مصطفى على أسم باباكي الله يرحمه