البارت الأول فيروز للكاتبة ملك إبراهيم.
وقف الجميع باحترام ولم تتحرك فيروز من مكانها.
نظر اليها شادي بدهشة ثم نظر الى أدهم بأحراج وتحدث مع فيروز بصوت منخفض.
- فيروز الاجتماع انتهى
نظرت اليه فيروز ثم نظرت الى أدهم بغيظ ولم تتحرك من مكانها.
نظرت موني الى ريم واقتربوا سريعا من فيروز ثم تحدثت معها ريم وهي تغمز لها بعينيها بان تذهب معهم.
نظرت اليها فيروز ثم وقفت وذهبت معهم وهي تتوعد لأدهم على كل ما يفعله بها.
بعد خروجهم وغلق الباب خلفهم تحدث عمار مع أدهم بغضب.
- ايه الا انت بتعمله ده يا أدهم ، انت عايز توصل لإيه بالظبط ؟!
نظر أدهم امامها بغضب ليتابع عمار حديثه بصوت مرتفع وهو يقف من مكانه ويتحدث بعدم فهم.
- انا مبقتش فاهمك ولا عارف انت عايز توصل لإيه ، ليه بتلعب بحياتك وحياتنا وحيات بنت استاذنا الا ملهاش ذنب في اي حاجة
ثم اضاف بحده.
- الاول جبتها هنا غصب عنها وبدون علمها ، يعني اخدت قرار مهم جدا في حياتها بنفسك من غير ما تفكر فيها ، اخدتها من الامان للنار وانت مبتفكرش غير في نفسك وبس ومفكرتش لحظة ان حياتها هتكون هنا في خطر وان الامان ليها كان انها كانت تفضل عايشة في مصر
وقف أدهم من مكانه و رد عليه بصوت قوي غاضب.
- انا مبفكرش غير في نفسي يا عمار !، قولي انا عملت ايه عشان نفسي قبل كده ، انا طول عمري قبل ما كنت بفكر في نفسي كنت بفكر فيكم الاول ولو حسيت بأي خطر عليكم حتى لو كان بسيط ببعدكم انتم وبعرضي نفسي انا للخطر لوحدي عشان احميكم
وقف الياس من مكانه سريعاً ووقف بينهم يتحدث بلطف محاولاً تهدأتهم.
- خلاص يا عمار ، خلاص يا أدهم ، مفيش داعي للكلام ده
تحدث عمار بانفعال.
- لأ له داعي وانا واجب عليا لما الاقيه بيضر فيروز وهو مش واخد باله انبهه
ثم اضاف بتأكيد وهو ينظر الى أدهم.
- فيروز من اول ما جبتها هنا ، شوية تبعدها عنك وشوية تقربها ليك ، وكل ما تحاول تتعود على حياة ، انت بتدمر لها كل حياتها ، لما بعدتها عنك اول مرة وسكنتها في شقة للطالبات ، تقدر تقولي ليه رجعتها تعيش معاك تاني ؟!
نظر اليه أدهم بصمت ليضيف عمار بتأكيد.
- طبعا مفيش رد عندك لانك انت نفسك متعرفش انت ليه رجعتها تعيش معاك تاني
ثم اضاف بانفعال.
- ودلوقتي مش مكفيك ان فيروز عايشة معاك في بيت واحد وده مهما حاولت تخبيه على اعدائك مش هتقدر تخبيه كتير ، لا دا انت كمان جايبها تشتغل معاك في شركتك الا كل العيون عليها والكل عارف انها مجرد ستارة على شغلك الحقيقي ، ليه تقربها منك للدرجادي يا أدهم ؟!
رد عليه أدهم بصراخ.
- بقربها مني عشان بحبهاااا
